HALKARA ZÄHMET GURAMASY

1919-2019

Ilo
18.04.2009ý. № 29-IV (girizilen üýtgetmeler we goşmaçalar bilen)
Şu Kodeks guramaçylyk-hukuk we eýeçiligiň görnüşlerine garamazdan kärhanalarda, edaralarda we guramalarda (mundan beýläk - kärhanalar), aýry-aýry fiziki şahslarda baglaşylan zähmet şertnamasynyň şertlerinde işleýän şahslaryň zähmet gatnaşyklaryny düzgünleşdirýär.

Giňişleýin >>

18.06.2016ý. № 411-V. (girizilen üýtgetmeler bilen)
Şu Kanun ilatyň iş bilen üpjünçiligi çygryndaky döwlet syýasatynyň hukuk, ykdysady we guramaçylyk esaslaryny kesgitleýär, raýatlaryň zähmet çekmäge bolan konstitusion hukuklarynyň berjaý edilmegine, işsizlikden goralmagyna gönükdirilendir hem-de iş bilen üpjünçilik çygrynda döwlet kepilliklerini belleýär.

Giňişleýin >>

19.10.2012ý. № 340-IV (girizilen üýtgetmeler we goşmaçalar bilen)
Şu Kodeks Türkmenistanyň ilatyny durmuş taýdan goramagyň hukuk, guramaçylyk, ykdysady, esaslaryny kesgitleýär, raýatlaryň döwlet pensiýa ätiýaçlandyrmasy esasynda pensiýa üpjünçiliginiň, raýatlaryň aýratyn toparlarynyň döwlet kömek pullary bilen üpjünçiliginiň döwlet kepilliklerini belleýär, şeýle hem weteranlaryň we maýyplygy bolan adamlaryň durmuş taýdan goralmagynyň çärelerini kesgitleýär.

Giňişleýin >>

31.03.2012ý. №287-IV (girizilen üýtgetmeler we goşmaçalar bilen)
Şu Kanun Türkmenistanda döwlet pensiýa ätiýaçlandyryş ulgamyny döretmegiň we onuň hereket etmeginiň hukuk, ykdysady we guramaçylyk esaslaryny kesgitleýär.

Giňişleýin >>



Maý aýynda Kerki aeroportunyň gurluşygyna başlanylar


Image

Lebap welaýatynyň Kerki şäherinde aeroportyň gurluşygyna taýýarlyk işleri tamamlanyp barýar. Döwlet Baştutanynyň Kararyna laýyklykda, ýurdumyzyň gündogar sebitinde täze aeroporty gurmak Türkmenistanyň Senagatçylar we telekeçiler birleşmesiniň agzasy, raýat awiasiýasy düzüminiň gurluşygynda baý tejribe toplan «Gündogdy» hususy kärhanasyna tabşyryldy. Kompaniýanyň amal eden iri taslamalarynyň biri hem Türkmenabatdaky Halkara aeroportunyň gurluşygydyr.

«Gündogdy» HK sagatda 100 ýolagça hyzmat etmäge niýetlenen Kerki aeroportynyň gurluşygyna şu ýylyň maý aýynda başlamagy göz öňünde tutýar. Aeroport 200 gektar meýdany tutar. Binanyň düzüminde wajyp ulag merkeziniň ähli bölümleriniň üznüksiz we netijeli işlemegini, ýolagçylara ýokary medeniýetli hyzmat etmegi, işgärlere zerur iş şertlerini üpjün etjek binalar toplumy bolar.

Uçuş zolagynyň uzynlygy 2 müň 700 metre, ini – 60 metre barabardyr. Ýolagçylar terminaly 1730 inedördül metr meýdany tutýar. Täze aeroport bu ugurdan enjamlary öndürýän dünýä belli kompaniýalaryň döwrebap enjamlary we esbaplary bilen üpjün ediler.

Aerodrom toplumynyň düzüminde abatlaýyş-tehniki, ýangyç guýujy gulluklar, ýangyna garşy göreş bölümi, ammarlar, ýükleri işleýän bölümler bolar. Raýat awiasiýasynyň täze binasyny 2021-nji ýylyň aprel aýynda ulanmaga bermek göz öňünde tutulýar.



Türkmenistanyň Döwlet habarlar agentligi
Elekton gazety "Altyn Asyr"
turkmenistan.gov.tm