Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Russiýa Federasiýasyna saparynyň çäklerinde 2023-nji ýylda Türkmenistanda Türkmen-rus uniwersitetiniň düýbüniň tutuljakdygyny belledi diýip, «Türkmenistan: Altyn asyr» saýtynda habar berilýär.
Gahryman Arkadagymyz bu barada Döwlet Dumasynyň Başlygy Wýaçeslaw Wolodin bilen duşuşygynyň dowamynda belläp geçdi. Türkmenistanyň Milli Geňeşiniň Halk Maslahatynyň Başlygy ylym-bilim ulgamyny döwletara hyzmatdaşlygyň ileri tutulýan ugurlarynyň hatarynda görkezdi. Şunuň bilen baglylykda, Gahryman Arkadagymyz Gurbanguly Berdimuhamedow Türkmenistanda mekdebe çenli çagalar edaralaryndan başlap, ýokary okuw mekdepleri tamamlanylýança rus diliniň öwrenilmegine uly üns berilýändigi nygtady diýip, çeşmede bellenilýär.