24-nji noýabrda hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi diýip TDH habar berýär.
Maslahatyň dowamynda ýurdumyzyň welaýatlarynda alnyp barylýan möwsümleýin işleriň barşy hem-de oba hojalyk toplumyny ösdürmek bilen baglanyşykly meselelere garaldy.
Hormatly Prezidentimiz möwsümleýin oba hojalyk işleriniň agrotehniki möhletlerde talabalaýyk we öz wagtynda geçirilmeginiň üpjün edilmeginiň zerurdygyny belledi we degişli tabşyryklary berdi.