Hormatly Prezidentimiz Serdar Berdimuhamedow nebitgaz senagaty we geologiýa pudaklarynyň işgärlerini ýurdumyzda her ýyl uly dabara bilen bellenilýän hünär baýramy — Nebitgaz senagaty we geologiýa işgärleriniň güni bilen tüýs ýürekden gutlady diýip, TDH habar berýär.
«Nebitgaz pudagy milli ykdysadyýetimiziň binýatlyk pudagydyr. Ýurdumyzyň mineral-çig mal serişdeler binýady, kuwwatly ýangyç-energetika senagaty we energiýa-ulag üpjünçilik ulgamlary Türkmenistany kuwwatly döwlet hökmünde dünýä tanadýar» – diýip, döwlet Baştutanymyz nygtady.