BMGÖM we Türkmenistanyň Döwlet, hukuk we demokratiýa instituty tarapyndan durmuşa geçirilýän « Türkmenistanyň Adam hukuklary boýunça 2021-2025-nji ýyllar üçin Hereketleriň illi meýilnamasynyň durmuşa geçirilmegine kömek bermek» taslamasynyň çäginde Türkmenistanyň adam hukuklary we halkara ynsanperwer hukugy ulgamynda Halkara borçnamalaryny ýerine ýetirmek boýunça Pudagara toparyň agzalary we onuň Iş toparynyň agzalary Finlýandiýa sapar bilen bardylar diýip, «Türkmenistan: Altyn asyr» internet neşiri habar berýär.
Wekiliýetiň düzümine Zähmet we ilaty durmuş taýdan goramak ministrliginiň hünärmenleri hem goşuldylar.
Finlýandiýada birnäçe ministrlikleriň we pudak edaralarynyň wekilleri, Parlamentiň Adalatçysy, Parlamentiň agzasy – Merkezi Aziýa ýurtlary bilen dostluk toparynyň başlygy, şeýle hem Finlýandiýanyň maýyplarynyň jemgyýetçilik guramalarynyň agzalary bilen duşuşyklar geçirildi.
Türkmen wekiliýetine Finlýandiýanyň maýyplygy bolan şahslara lukmançylyk hyzmatlaryny bermek tejribesi, maýyplaryň hukuklaryny üpjün etmek we goramak syýasatynyň ýörelgeleri bilen tanyşmaga mümkinçilik döredildi.