Aşgabat şäheriniň ýörite niýetlenen mekdeplerinde terbiýelenýän mümkinçiligi çäkli hem-de howandarlyga mätäç çagalar Türkmenistanyň Gurjak teatrynda geçirilen Täze ýyl baýramçylyk dabarasyna gatnaşdylar. Bu dabarany Türkmenistanyň Magtymguly adyndaky Ýaşlar guramasynyň Merkezi Geňeşiniň ýanyndaky Çagalar gaznasy tarapyndan guraldy.
Bu ýerde çagalara «Maşa we aýy» sahna oýny görkezildi.
Çykyşlaryň ahyrynda bolsa Aýaz baba çagalara baýramçylyk sowgatlaryny gowşurdy.
Şunuň bilen birlikde, Çagalar gaznasy eşidişi çäkli we pes bolan, şeýle-de saglyk ýagdaýy pes çagalar üçin hem haýyr-sahawat çäresini geçirdi.