Türkmenistanyň Ylymlar akademiýasy we Özbegistan Respublikasynyň Innowasion ösüş ministrligi ikitaraplaýyn Ylalaşygyň çäklerinde bilelikdäki ylmy-barlag taslamalarynyň bäsleşigini guraýarlar diýip, «Türkmenistan: Altyn asyr» internet-neşiri habar berýär.

Gözden geçirilişe aşakdaky ugurlar boýunça ylmy işler kabul edilýär: nano-, bio- we himiýa tehnologiýalary, täze materiallary öwrenmek we energetika, molekulýar biologiýa, oba hojalygy, ekologiýa we genetika, häzirki zaman medisina we derman serişdeleriniň önümçilik tehnologiýasy, şeýle hem ynsanperwer ylymlar.

Bäsleşige gatnaşmak üçin forma laýyklykda doldurylan resminamalary aşakdaky salga ibermeli: 744000, Türkmenistan, Aşgabat şäheri, Bitarap Türkmenistan şaýoly, 15-nji jaý. Türkmenistanyň Ylymlar akademiýasy.

Habarlaşmak üçin telefon belgileri: 94-30-89; 94-14-52.

Bäsleşige gatnaşmak üçin resminamalar 2023-nji ýylyň 31-nji martyna çenli kabul edilýär.