28-nji iýunda Lebap welaýatynyň Dänew etrabynyň
Bahar şäherçesinde çagalara niýetlenen «Bagtyýar çagalar» atly medeni-dynç alyş
seýilgähi açylyp ulanylmaga berildi.
Bellenilişi
ýaly, çagalar medeni-dynç alyş merkeziniň gurluşygyny «Jemşidiň jamy» hususy
kärhanasy alyp bardy. Bu hususy kärhana Çärjew etrabynyň Farap şäherindäki
medeni-dynç alyş merkeziniň gurluşygynda hem baý tejribe toplady.
Täze
merkez 1,5 gektar meýdanda ýerleşýär. Merkeziň desgalar toplumyna çagalara
we ululara niýetlenilen iki sany söwda dükany, 1 sany naharhana,
içinde kömekçi otaglar ýerleşdirilen bir gatly dolandyryş binasy,
ýangyndan goranmaga niýetlenilen suw howdany, gezelenç meýdançalary girýär.
Bu ýerde çagalar oýnawaçlaryň we güýmenjeleriň 15 toplumynda wagtyny şadyýan geçirip bilerler.