Gurban
aýynyň nurana günlerinde mukaddes Mekgede we Medinede bolup haj parzyny berjaý
eden türkmen zyýaratçylarynyň ilkinji topary Watanymyza sag-aman dolanyp
geldiler.
Zyýaratçylar
yslam dünýäsiniň merkezi hasaplanylýan mukaddes Mekge şäherinde bolup, keramatly
Käbä togap etdiler. ýedi ýola Safa-Merwe daglarynyň arasyny geçdiler.
Şeýlelikde ildeşlerimiz ýeriň ähli knüjeginden gelen musulmanlar bilen
bilelikde haj parzyny berjaý etdiler. Mukaddes Medinede Muhammet Pygamberiň we
sahawalarynyň aramgählerine, belli metjitlere we beýleki keramatly ýerlere
zyýarat etdiler. Türkmen zyýaratçylary haj dessurlaryny ýerine ýetirýän
pursatlarynda Beýik Biribardan Watanymyzyň mundan beýläk-de gülläp ösmegini,
halkymyzyň abadançylygyny, Hajy arkadagymyzyň hem-de hormatly Prezidentimiziň
alyp barýan asylly işleriniň rowaç bolmagyny dileg etdiler.
Şeýle hem zyýaratçylar bagtyýar halkymyzyň ahlak tämizligini ykrar edýän, jemgyýetiň ruhy durmuşyny baýlaşdyrmaga, her bir şahsyýetiň sazlaşykly ösmegine, ýaş nesillerde ýokary ahlak häsiýetleriň kemala gelmegine ýardam berýän milli däp-dessurlarymyzy mynasyp dowam etmäge döredilýän mümkinçilikler üçin döwlet Baştutanymyza taňyrýalkasyn aýtdylar.