Gurbanguly Berdimuhamedow adyndaky Howandarlyga mätäç
çagalara hemaýat bermek boýunça haýyr-sahawat gaznasynyň hasabyndan Aşgabatdaky
Halkara saglyk merkezleri müdirýetiniň halkara kardiologiýa merkezinde, Enäniň
we çaganyň saglygyny goraýyş ylmy-kliniki merkezinde, ýurduň ähli
welaýatlarynda dürli kesellerden ejir çekýän çagalara ýerli hünärmenler
tarapyndan hirurgiki bejeriş amallary üstünlikli ýerine ýetirildi hem-de bu
işler dowam etdirilýär.
Çagalaryň her biri degişli hassahanalarda nobatdaky
dikeldiş bejergilerini almaklaryny dowam etdirip, sagdyn çagalaryň hataryna
goşulýarlar. Berkarar döwletiň täze eýýamynyň Galkynyşy döwründe Gahryman
Arkadagyň ynsan saglygyny goramak, sagdyn durmuş ýörelgelerini jemgyýetimize
ornaşdyrmak boýunça halypa ýörelgesinden ugur alyp, howandarlyga mätäç çagalara
hemaýat bermek boýunça haýyr-sahawat gaznasyny döretmek hakyndaky
Türkmenistanyň Prezidentiniň Karary esasynda Türkmenistanyň Saglygy goraýyş we
derman senagaty ministrligi tarapyndan Gurbanguly Berdimuhamedow adyndaky
Howandarlyga mätäç çagalara hemaýat bermek boýunça haýyr-sahawat gaznasynyň
milli we daşary ýurt pullarynda hasaplary açylyp, bu gaznanyň hasabyndan
çagalaryň saglygyny dikeltmäge bellenilen we berlen maliýe serişdeleriň
hasabyna 140-dan gowrak dürli dogabitdi kesellerinden ejir çekýän çagalara
lukmançylyk amallary ýerine ýetirildi.
Şeýle hem 50-den gowrak çaga saglygy goraýyş öňüni alyş
barlaglar geçirilip, olar saglygy goraýyş maksatly serişdeler bilen üpjün
edildi. Bu ugurdaky işler dowam etdirilýär.