Birleşen Milletler Guramasynyň Ösüş maksatnamasynyň
Türkmenistandaky wekilhanasynyň ýardam bermeginde Türkmenistanda Adam
hukuklary boýunça ygtyýarly wekil — Adalatçy Ý.Gurbannazarowanyň
ýolbaşçylygyndaky türkmen wekiliýetiniň Gruziýa iş sapary başlandy. Bu barada
Türkmenistanyň Adalatçysynyň resmi saýtynda habar berildi.
Saparyň çäklerinde şu gün türkmen wekiliýetiniň Gruziýanyň Halk goragçysy,
milli öňüni alyş mehanizmiň (MPM), gender meselesi boýunça bölümiň hem-de
raýdaşlyk boýunça merkeziň wekilleri bilen duşuşyklary göz öňünde tutulan.
Iş saparyň maksady Gruziýanyň Halk goragçy edarasynyň merkezi edarasynyň, onuň
bölümleriniň we sebitleýin edaralarynyň işi bilen tanyşmakdan ybaratdyr.
Türkmenistanyň Adalatçysynyň diwanynyň esasy halkara hyzmatdaşy bolan BMG, onuň
hünär mümkinçiliklerini ýokarlandyrmaga ýardam edýär.
Dürli ýurtlaryň hukuk goraýyş institutlarynyň işi bilen tanyşmak 2023-nji ýylda
gol çekilen «Türkmenistanyň Adalatçysynyň Diwanynyň institusional potensialyny
ýokarlandyrmaga ýardam bermek» diýen bilelikde taslama
resminamasynyň çäklerinde guralýar.