Türkmenistanda adam hukuklary boýunça ygtyýarly wekil Ýazdursun Gurbannazarowa bilen Birleşen Milletler Guramasynyň Adam hukuklary baradaky Ýokary komissarynyň Merkezi Aziýa boýunça sebitleýin edarasynyň gaýtadan bellenen sebit wekili Matilda Bogneriň arasynda onlaýn duşuşyk geçirildi. Bu barada «Türkmenistan:Altyn asyr» elektron neşiri tarapyndan habar berildi.Habarda bellenilişi ýaly, onlaýn duşuşygyň dowamynda ikitaraplaýyn hyzmatdaşlygyň meseleleri ara alnyp maslahatlaşyldy.
Duşuşykda
Türkmenistanyň Adalatçysynyň Diwanynyň alyp barýan işleriniň adam hukuklaryny
goramaga we ösdürmäge, bu ugurda habardarlygy ýokarlandyrmaga, adam hukuklary
guramasynyň institusional mümkinçiliklerini ýokarlandyrmak üçin Aziýa-Ýuwaş
umman Forumynyň (APF) baha beriş komissiýasynyň tekliplerini durmuşa geçirmäge
gönükdirilendigi bellenildi.
Şertnama
guramalary we hukuk goraýjy edaralaryň Global bileleşigi bilen hyzmatdaşlygyň
mümkinçilikleri hem ara alnyp maslahatlaşyldy.
Söhbetdeşlikde
aýdylyşy ýaly, BMG-niň Adam hukuklary boýunça Ýokary komissarynyň edarasy
Türkmenistanyň Adalatçysynyň Diwanynyň esasy halkara hyzmatdaşlarynyň biri
bolup durýar. Şunuň bilen baglylykda, sebit wekili Türkmenistanyň Adalatçysynyň
Diwanynyň hyzmatdaşlygy we adam hukuklaryny ösdürmekdäki möhüm ornuna ünsi
çekdi.
Duşuşygyň
ahyrynda taraplar Adalatçynyň Diwanynyň mümkinçiliklerini güýçlendirmekde we
bilelikdäki çäreleri geçirmekde hyzmatdaşlygy mundan beýläk-de ösdürmäge
taýýardyklaryny mälim etdiler.