Türkmenistanyň Kambojadaky täze ilçisi (hemişelik bolýan ýeri — Kuala-Lumpur) 10-njy awgustda Kambojanyň Daşary işler we halkara hyzmatdaşlygy ministrliginiň protokol departamentiniň müdirine ynanç hatlarynyň nusgalaryny gowşurdy. Bu barada türkmen diplomatik wekilhanasynyň metbugat gullugy habar berdi.
Duşuşygyň dowamynda taraplar Türkmenistan bilen
Kambojanyň arasyndaky ikitaraplaýyn gatnaşyklaryň häzirki ýagdaýy we ony
ösdürmegiň geljegi barada pikir alyşdylar.
Ilçi Türkmenistan bilen Kambojanyň arasyndaky
gatnaşyklary berkitmek ugrunda iş alyp barjakdygyna ynandyrdy.
«Türkmenistan bilen Kamboja özara dostluk, hormat we
hyzmatdaşlyk ýörelgelerine esaslanýan uzak dostana gatnaşyklara eýe. Biz
Kambojanyň Türkmenistana dürli halkara platformalarda berýän goldawyna ýokary
baha berýäris. Gatnaşyklarymyz oňyn ösüşe eýe bolar diýip umyt edýäris» diýip,
ilçi belledi.
Protokol departamentiniň müdiri dürli halkara
guramalarynyň çäginde Kamboja berýän goldawy üçin Türkmenistana minnetdarlyk
bildirdi. Şeýle hem, Kambojanyň söwda, ykdysadyýet, medeniýet we syýahatçylyk
ýaly dürli ugurlarda Türkmenistan bilen hyzmatdaşlygy giňeltmek isleýändigini
aýtdy.
Çeşme: