11-nji awgustda Türkmenistanyň Hindistandaky ilçisi
Ş.Geldynazarow Halkara talyplar we ýaşlar guramasy tarapyndan Hindistanyň
Daşary işler ministrligiň Ösýän ýurtlar üçin maglumat we gözleg ulgamy bilen
bilelikde gurnalan «Durnuklylyk üçin Raýdaşlyk» atly halkara
maslahata gatnaşdy. Bu
barada Türkmenistanyň Daşary işler ministrligi habar berýär.
Maslahat
Hindistanyň «G20» Prezidentligi üçin çäreler toplumynyň çäginde geçirildi. Açylyş dabarasynda Hindistanyň daşary işler ministri,
doktor S.Jaýşankar wideo habary berdi.
Ilçi umumy
mejlisde çykyş edip, oňyn bitaraplyk ýoluna ygrarly Türkmenistanyň döwrümiziň
möhüm meselelerini çözmäge işjeň gatnaşýandygyny we ählumumy parahatçylygy we
durnuklylygy berkitmek üçin we sebit we dünýä derejesinde konstruktiw
hyzmatdaşlygy ösdürmek üçin oňyn halkara gepleşikleriniň gurulmagyna ähliumumy
goşant goşýandygyny aýtdy.
Şeýle hem,
Türkmenistanyň ýolbaşçylarynyň ýaşlary goldamaga, halkara hyzmatdaşlygyna işjeň
gatnaşmagyna aýratyn üns berilýändigi nygtaldy. Şunuň bilen baglylykda, şu ýyl
Türkmenistanda «Arkadag Serdarly bagtyýar ýaşlar» şygary bilen geçirilendigi
bellendi.
Ilçi şeýle
hem, BMG Baş Assambleýasynyň 78-nji mejlisiniň çäginde Türkmenistanyň ileri
tutýan wezipeleri we başlangyçlary barada gysgaça maglumat berdi.
Çeşme: Türkmenistanyň Daşary işler
ministrligi