Aşgabadyň «Türkmenistan» kinokonsert merkezinde Magtymguly adyndaky Ýaşlar guramasynyň hem-de Senagatçylar we telekeçiler birleşmesiniň goldamagynda «Gujurly bilim merkezi» bilim merkeziniň guran ýaş zehinler bäsleşiginiň jemleýji tapgyry geçirildi. Bu barada «Türkmenistan: Altyn asyr» elektron neşiri habar berýär.
«Gujurly bilim
merkezi» bilim merkeziniň okuwçylarynyň arasynda zehin bäsleşigi yzygiderli
geçirilýär. Zehinli çagalara dürli ugurlarda öz ukybyny we başarnygyny
görkezmäge mümkinçilik döredýän guramaçylar ýaş türkmenistanlylaryň täze
bilimlere islegini höweslendirýärler.
Şu ýyl bilim
merkeziniň has zehinli okuwçylarynyň 9-sy bäsleşigiň aýgytly tapgyryna
çykdylar, olar bilim merkezinde daşary ýurt dillerini öwrenýärler, şeýle hem
üýtgeşik ukyp-başarnyklaryny görkezýärler.
Çagalar
bäsleşigiň birinji tapgyrynda bäsdeşlerinden saýlanyp, jemleýji tapgyra
çykdylar. Olar uly sahnada çykyş etdiler. Bu ýerde olaryň ukyp-başarnygyna
ýurdumyzyň sungat ussatlaryndan we medeniýet işgärlerinden ybarat ygtyýarly
eminler topary baha berdi.
Bäsleşige
tomaşaçylaryň köp sanlysy gatnaşdy. Ýaş zehinleriň deň-duşlary dostlaryna we
synpdaşlaryna janköýerlik etmek üçin bu ýere ýygnandylar.
Mysal üçin,
Dawut Ýazberberdiýew Rubigiň kubigini çalt düzmegi gowy görýär, Rejepmyrat
Goçmyradow skripkada popurri sazlaryny gowy çalýar, Aliýa Hudaýgulyýewa daşary
ýurt dilinde rep usulynda ýaňyltmaç aýtsa, Narmina Aslanowa häzirki zaman
tanslarynyň ussady.
Bäsleşigiň
aýgytlaýjy tapgyryna çykanlaryň birnäçesi özleriniň üýtgeşik
ukyp-başarnyklaryny görkezdi. Olaryň arasynda Tatýana Udowiçenko ogly Stanislaw
Demidowskiý bilen bilelikde hytaý sazyna şowhunly tans oýnady. Hytaýlara mahsus
gyzyl aždarha çykyşyň özboluşly aýratynlygy boldy.
Aýnur Karowa
tümlükde ýalpyldyly lazerler bilen üýtgeşik surat çekdi. Çeper okaýyş žanrynda
Begli Tagangeldiýew tanymal şahyr Kerim Gurbannepesowyň goşgularyny labyzly
okady. Bäsleşige gatnaşanlardan iň ýaşajygy Gülnur Abdyllaýewa ýakymly sesiniň
ajaplygyny görkezdi.
Emin
agzalary kyn mesele çözmeli boldular – olar ussatlardan iň gowusyny
saýlamalydylar. Biraz salymdan Türkmenistanyň at gazanan artisti Gülälek
Akmyradowadan, aýdymçy Bahar Durdyýewadan, horeograf, döwlet tans ansamblynyň
ýolbaşçysy Didar Agaýewden, şeýle hem radiogepleşikleri alyp baryjylarylardan
we KHBS-niň wekillerinden ybarat bilermenler üç ýeňijini kesgitediler.
Birinji
orny Aýnur Karowa, ikinji orny Gülnur Abdyllaýewa eýelediler. Tatýana
Udowiçenko bilen Stanislaw Demidowskiý üçünji orna düşdiler.
Bäsleşige
gatnaşyjylaryň ählisi, aýgytlaýjy tapgyra çykanlar hem-de ýeňijiler ýadygärlik
sowgatlar we baýraklar bilen sylaglanyldy.
Çeşme: Türkmenistan:
Altyn asyr»