Milli Adam
Hukuklary Guramalaryna goldaw bermek üçin bütindünýä üçtaraplaýyn
hyzmatdaşlygyň bir bölegi hökmünde Milli adam hukuklary guramalarynyň Global
Bileleşigi, Birleşen Milletler Guramasynyň Ösüş Maksatnamasy, BMG-niň Adam
hukuklary baradaky Ýokary Komissary tarapyndan Türkmenistanyň Adalatçysynyň diwany
üçin köpýyllyk strategiki meýilnamalaşdyryş boýunça işler dowam etdirilýär.
Köpýyllyk strategiki meýilnamalaşdyrmagyň maksady Adalatçynyň
diwanynyň ygtyýarlyklarynyň we çeşmeleriniň geljek bäş ýyl üçin iş
meýilnamasynyň esasy ileri tutulýan ugurlaryny kesgitlemek bolup durýar.
Ol ähli ugurlarda adam hukuklarynyň ählumumy düşünişmegini we
ulanylmagyny, ilatyň hukuklaryny we azatlyklaryny goramak, daşarky
hyzmatdaşlygy berkitmek we utgaşdyrmak, Adalatçynyň diwanynyň öz wezipelerini
netijeli ýerine ýetirmek üçin mümkinçiliklerini we başarnyklaryny
güýçlendirmekden ybaratdyr. Adalatçynyň çakylygy boýunça Milli Adam Hukuklary
Guramalarynyň Aziýa-Ýuwaş umman forumynyň halkara hünärmenleriniň missiýasy
Türkmenistana bardy.
Saparyň dowamynda APF bilermenleri Adalatçynyň diwanynyň
işgärleri, raýat jemgyýeti guramalarynyň wekilleri we BMG-niň Türkmenistandaky
ýurt toparynyň wekilleri bilen maslahatlaşdy. Saparyň netijesinde köpýyllyk
strategiki meýilnamanyň başlangyç taslamasy işlenip düzüldi we olar 2023-nji
ýylyň noýabr aýynyň ahyryna çenli tassyklamak üçin Adalatçynyň diwanyna
iberiler.
Çeşme: Türkmenistanyň Halkara habarlar merkezi