27-nji oktýabrda Türkmenistanyň Magtymguly adyndaky
milli sazly drama teatrynda Nury Halmämmedowyň doglan gününiň 85 ýyllygy
mynasybetli festiwalyň açylyş dabarasy boldy.
Dabara kompozitor Daňatar Hydyrowyň sazyna döredilen
“Türkmenistan Garaşsyz” atly eseri başlandy. Ony Türkmenistanyň döwlet hory
hem-de Maýa Kulyýewa adyndaky Türkmen milli konserwatoriýasynyň simfoniki
orkestri ýerine ýetirdi.
Soňra
sahnada Nury Halmämmedowyň “Türkmenistan” simfoniki şekilleri ýaňlandy. Oňa
Eziz Jumanyýazow drižýorlyk etdi.
“Mukam”
skripkaçylar toparynyň ýerine ýetirmeginde Nury Halmämmedowyň “Nagmalar” eseri
tomaşaçalarda uly joşgun döretdi.
Soňra
kompozitor Nury Halmämmedowyň döwürdeşleri, halypa sungat ussatlary çykyş etdiler.
Olar kompozitor bilen bilelikde eser döreden pursatlarynyň ýatlamalaryny
paýlaşdylar.
Türkmenistanyň
halk artisti, Türkmenistanyň Magtymguly adyndaky Döwlet baýragynyň eýesi Nury
Halmämmedow 1938-nji ýylda doguldy. Ol ýaşan ömründe türkmeniň nusgawy sazynyň
ösmegine möhüm goşant goşdy.
Dabara
kompoziter Nury Halmämmedowyň döreden eserleriniň ýaňlanmagy bilen dowam etdi.
Olaryň hatаrynda “Dutaryň owazy” hem bar. Ony Türkmenistanyň at
gazanan artisti Wladimir Mkrtumow ýerine ýetirdi.
Festiwal şu
gün hem dowam eder. Onuň çäklerinde Aşgabatda, Arkadag şäherinde we ýurdumyzyň
welaýatlarynda dürli medeni çäreler guralar.
Çeşme: Türkmenistanyň Halkara
habarlar merkezi