Ýakynda Balkan welaýatynyň Balkanabat
şäherinde we Mary welaýatynyň Baýramaly etrabynda durky täzelenen köp ugurly
hassahanalaryň açylyş dabarasy boldy.
Doly abatlanan
hassahanalaryň açylyş dabaralary sungat işgärleriniň şowhunly aýdym-sazly
çykyşlary bilen geçirildi.
Durky täzelenen hassahanalar
häzirki zaman ülňülerine doly laýyk gelýär we köp ugurly lukmançylyk işlerini
ýerine ýetirmek üçin ähli şertler bilen üpjün edýär.
Maslahat bölüminde kabul
ediş stoly we degişli hünärmenler üçin otaglar bar. Bu ýerde keselleri ir
anyklamak, döwrebap bejergisini bellemek we näsaglara yzygiderli gözegçilik
etmek üçin ähli mümkinçilikler döredildi.
Lukmançylyk edaralary
Germaniýa, Italiýa,Ýanaponiýa, Belgiýa, Gollandiýa Patyşalygy, Daniýa, Şwesiýa
we Koreýa Respublikasy ýaly öňdebaryjy ýurtlarda öndürilen döwrebap, innowasion
enjamlary bilen enjamlaşdyryldy. Bu enjamlar hirurgiki bölümine anyklaýyş
işlerini geçirmäge mümkinçilik berýär - dürli hirurgiki garyşmalary ýerine
ýetirmäge, çylşyrymly operasiýlary, ýürek-damar ulgamynyň kesellerini
anyklamaga, lukmançylyk kömegini bermäge, ýokary derejeli bejeriş çärelerini
geçirmäge we operasiýalaryň dowamynda agyryny azaltmaga mümkinçilik berýär. Bu
keselleri ir anyklamak we olary bejermek üçin giň mümkinçilikleri döredýär.
Mundan başga-da, hassalar
üçin konferensiýa otagy, amatly bahadan naharhana we awtoulag duralgasy
guruldy. Durky täzelenen hassahanalara ýanaşyk ýerler abadanlaşdyryldy, bag
ösümlikleri we dürli güller bilen dolduryldy.
Çeşme: Türkmenistanyň Halkara
habarlar merkezi