Awtoulagsyz hepde – ýurduň ekologiýa abadançylygyna mynasyp goşant
4-nji aprelde paýtagtymyzda Aşgabat şäher häkimligi we jemgyýetçilik guramalary tarapyndan guralýan giň möçberli ekologiki çäre badalga aldy diýip, Döwlet habarlar agentligi habar berýär.
Çäre mynasybetli hepdäniň dowamynda, ýagny 4-11-nji aprel aralygynda sagat 8.00-dan 18.00-a çenli paýtagtyň köçeleri diňe şäheriçi awtobuslar, taksi awtoulaglary, şeýle hem ilata hyzmt edýän beýleki jemgyýetçilik ulaglary üçin açyk bolar.
Ekologiki çäre ýurdumyzda giňden bellenilýän Bütindünýä saglyk güni mynasybetli guralýar. Baýramçylyk güni – 7-nji aprelde Aşgabatda köpçülikleýin welosipedli ýöriş geçiriler we oňa «Welosiped» binasynda badalga berler.
Ähli isleg bildirýän ýaşaýjylar we sagdyn durmuş ýörelgesine eýerijiler Watanymyzyň köçelerine we şaýollaryna welosipedli ýörişe gatnaşmak üçin çagyrylýar.
Ekologiýa abadançylygyny üpjün etmek hormatly Prezidentimiz Serdar Berdimuhamedowyň halkyň saglygyny we bagtyýar ýaşaýşyny berkitmek ugrunda alyp barýan durmuş ugurly syýasatynyň aýrylmaz bölegidir.
Şahsy taraplaryň salgyt hasaba goyulandygy hakynda şahadatnamasyndaky görkezilen hususy salgyt belgisi
Fiziki şahsyň ätiýaçlandyrýan hökmünde hasaba alnandygy hakynda şahadatnamasynda ýa-da Pensiýa ätiýaçlandyrmasy kitapçasynda görkezilen atly pensiýa hasabyň ätiýaçlandyrma belgisi
Yza
Önümçilik senenamasy
Şahsy otag
