Birža söwdalarynda geleşikleriň 20-si hasaba alyndy
Geçen hepde Türkmenistanyň Döwlet haryt-çig mal biržasynyň söwdalary ýokary depgine eýe boldy. Söwdalarda geleşikleriň 20-si hasaba alyndy.
Daşary ýurt puluna Owganystanyň, Özbegistanyň işewür toparlarynyň wekilleri «Türkmennebit» döwlet konserniniň kärhanasynda öndürilen uçar kerosinini, dizel ýangyjyny, suwuklandyrylan gazy, nebit ýol bitumyny satyn aldylar.
Mundan başga-da, daşary ýurt puluna Türkiýäniň, Owganystanyň, Gazagystanyň telekeçilerine portlandsement, nah ýüplük, arassalanan pagta galyndylary ýerlenildi. Geleşikleriň jemi bahasy ABŞ-nyň 3 million 828 müň dollaryndan gowrak boldy.
Ýurdumyzyň işewürleri içerki bazar üçin nebit ýol bitumyny («Türkmennebit» döwlet konserni), float aýnasyny we el halylaryny satyn aldylar. Geleşikleriň jemi bahasy 25 million 630 müň manatdan gowrak boldy.
Şahsy taraplaryň salgyt hasaba goyulandygy hakynda şahadatnamasyndaky görkezilen hususy salgyt belgisi
Fiziki şahsyň ätiýaçlandyrýan hökmünde hasaba alnandygy hakynda şahadatnamasynda ýa-da Pensiýa ätiýaçlandyrmasy kitapçasynda görkezilen atly pensiýa hasabyň ätiýaçlandyrma belgisi
Yza
Önümçilik senenamasy
Şahsy otag
