8-nji aprelde Türkmenistan bilen Russiýa Federasiýasynyň arasynda diplomatik gatnaşyklaryň ýola goýlanyna 30 ýyl dolýar. Şu şanly sene mynasybetli iki döwletiň Liderleri ― Prezidentler Serdar Berdimuhamedow we Wladimir Putin bir-biregi mähirli gutladylar. Bu barada Türkmenistanyň Döwlet habarlar agentligi habar berýär.

Gutlaglarda taraplaryň türkmen-rus hyzmatdaşlygyny mundan beýläk hem berkitmäge, şeýle hem uzakmöhletleýin hyzmatdaşlygyň täze tapgyrlaryny ýola goýmaga taýýardyklary nygtaldy.

Türkmenistan bilen Russiýa Federasiýasynyň arasyndaky diplomatik gatnaşyklara 1992-nji ýylyň 8-nji aprelinde badalga berlipdi.