9-njy dekabrda Türkmenistanyň Zähmet we Ilaty durmuş taýdan goramak ministrliginiň düzüminde hereket edýän Türkmenistanyň Pensiýa gaznasynyň garamagyndaky Balkan welaýatynyň Gyzylarbat etrabynyň Pensiýa gaznasynyň bölüminiň täze edara binasynyň açylyş dabarasy bolar.

Açylyş dabarasyna degişli ministrligiň wekilleri, Gyzylarbat etrabynyň Pensiýa gaznasynyň bölüminiň hünärmenleri we myhmanlar gatnaşar. Açylyş dabarasy Balkan welaýatynyň sungat ussatlarynyň ýerine ýetirmegindäki aýdym-sazlara beslenip, uly şatlyk-şowhuna eýe bolar.

Balkan welaýatynyň Gyzylarbat etrabynyň Pensiýa gaznasynyň bölüminiň täze edara binasy Döwlet pensiýa üpjünçiligini we ilatyň durmuş taýdan goraglylygyny maliýe taýdan dolandyrmakda alnyp barylýan işleriň has-da döwrebaplaşmagyna we ýokarlanmagyna itergi berer.