24-nji aprelde hormatly Prezidentimiz Serdar Berdimuhamedow hormatly myhman ― Tatarystan Respublikasynyň Prezidenti Rustam Minnihanow bilen bilelikde Halkara ahalteke atçylyk sport toplumynda geçirilen baýramçylyk dabaralaryna gatnaşdy. Bu barada TDH habar berýär.

Baýramçylyk dabarasynyň esasy wakasy at çapyşyklary boldy. Olaryň ýeňijilerine gymmat bahaly sowgatlar gowşuryldy. Şeýle hem baş baýrak ― Türkmenistanyň Prezidentiniň kubogy ugrunda ýaryşlar geçirildi.

Dabaralaryň dowamynda konkur boýunça geçirilen baýramçylyk ýaryşynyň hem ýeňijileri yglan edildi.

Sportuň milli görnüşleri boýunça guralan görkezme çykyşlary, hususan-da, «Galkynyş» milli at üstündäki oýunlar toparynyň çykyşy dabaranyň bezegini artdyrdy.

Türkmen bedewiniň milli baýramy mynasybetli dabaralar ýurdumyzyň ähli künjeklerinde geçirildi.