Türkmenistanda geçiriljek Altynjy Hazar sammitine taýýarlyk görmek bilen bagly meseleler Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň Russiýa Federasiýasynyň Daşary işler ministri Sergeý Lawrow bilen geçiren telefon arkaly söhbetdeşliginiň özenini düzdi. Bu barada Türkmenistanyň daşary syýasat edarasynyň resmi saýty habar berýär.

Gepleşikleriň dowamynda taraplar ikitaraplaýyn gatnaşyklaryň birnäçe ugurlary boýunça pikir alyşdylar. Hususan-da, ýokary derejedäki ikitaraplaýyn duşuşyklara görülýän taýýarlygyň gidişi ara alnyp maslahatlaşyldy.