2023-nji ýylyň 1-nji ýanwaryndan Türkmenistanda aýlyk zähmet haklary, pensiýalar we döwlet kömek pullary 10 göterim ýokarlandyrylar. Bu babatdaky resminama Türkmenistanyň Prezidenti Hökümetiň 8-nji iýulda geçirilen mejlisinde gol çekdi diýip, TDH ýazýar.
Resminama laýyklykda, 2023-nji ýylyň 1-nji ýanwaryndan Beýik Watançylyk urşuna gatnaşyjylaryň pensiýalarynyň aýda iň pes möçberini 1880 manat möçberde; Beýik Watançylyk urşuna gatnaşyjylaryň ýanýoldaşlarynyň we tylda zähmet çekenleriň pensiýalarynyň aýda iň pes möçberini 550 manat möçberde; pensiýanyň iň pes möçberini kesgitlemek üçin binýatlyk ululygy 450 manat möçberde; döwlet kömek pullaryny hasaplamak üçin binýatlyk ululygy 430 manat möçberde bellenildi.
Şeýle hem, Türkmenistan boýunça iň pes aýlyk zähmet haky 1160 manat möçberde bellenildi