20-nji iýulda hormatly Prezidentimiz Serdar Berdimuhamedow paýtagtymyzyň Büzmeýin etrabynda gurlan Energetika enjamlaryny abatlaýyş we hyzmat ediş merkeziniň açylyş dabarasyna gatnaşmak üçin ýurdumyza gelen «Çalyk Holding» kompaniýalar toparynyň dolandyryjylar geňeşiniň başlygy Ahmet Çalygy kabul etdi.
Duşuşygyň çäklerinde dürli ugurlarda netijeli özara hyzmatdaşlygyň ýagdaýy we hyzmatdaşlygy mundan beýläk hem ösdürmegiň mümkinçilikleri ara alnyp maslahatlaşyldy.