Türkmenistan BMG-de döwletara gatnaşyklarynda özara ynamy pugtalandyrmaga gönükdirilen birnäçe parahatçylyk söýüjilikli başlangyçlary taýýarlaýar. Bu barada hormatly Prezidentimiz Serdar Berdimuhamedow Gyrgyzystanyň Çoplon Ata şäherinde geçirilen Merkezi Aziýanyň döwlet Baştutanlarynyň dördünji konsultatiw duşuşygynda eden çykyşynda belledi diýip, TDH habar berýär.

«Häzirki wagtda Türkmenistan BMG-de 2023- nji ýyly halkara derejede «Dialog — parahatçylygyň kepili» diýip yglan etmek baradaky başlangyjy taýýarlaýar we biz bu oňyn teklibiňMerkezi Aziýa ýurtlarynyňählisi tarapyndan goldanyljakdygyna ynam bildirýäris. Şol bir wagtyň özünde biz BMG-de Baş Assambleýanyň «Merkezi Aziýada parahatçylyk we ynanyşmak zolagy» atly Kararnamasyny işläp taýýarlamak teklibi bilen çykyş etdik. Bu başlangyjyň hem goldanyljakdygyna umyt edýäris» - diýip, döwlet Baştutanymyz nygtady.

Şeýle hem hormatly Prezidentimiz şu ýylyň güýzünde Merkezi Aziýa döwletleriniň Daşary işler ministrlikleriniň sebit merkeziniň ýolbaşçylarynyň derejesinde geňeşmeleri geçirmegi teklip etdi.