Maýyplygy bolan çagany terbiýeläp saklaýan ene-atalar ýa-da olaryň ornuny tutýan adamlar çaga 18 ýaşyna ýetýänçä Türkmenistanyň girdeji salgydyny tölemekden boşadylar.
Şeýle üýtgeşme «Salgytlar hakynda» Türkmenistanyň bitewi Kanunyna girizildi we 2022-nji ýylyň 29-njy awgustynda – resmi taýdan çap edilenden bir aý soň güýje girer.
Şeýle-de «Salgytlar hakynda» Türkmenistanyň bitewi Kanunyna goşmaça we üýtgetmeler girizmek hakynda» Türkmenistanyň Kanunynda perzentlige alnan we öweý maýyplygy bolan çagany terbiýeläp saklaýan ene-atalara hem girdeji salgydynyň salynmajakdygy bellenilýär.
Kanun bilen dolulygyna «Türkmenistany: Altyn asyr» saýtynda tanşyp bilersiňiz.