«Awazada» geçirilýän ulag forumynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredow bilen Birleşen arap Emirlikleriniň Energetika we infrastruktura ministri Suheil Al-Mazruiniň arasynda duşuşyk geçirildi diýip, Türkmenistanyň daşary syýasat edarasynyň saýtynda habar berilýär

Gepleşikleriň çäklerinde taraplar ulag we logistika ugurlaryny açmak hem-de Türkmenbaşy porty bilen Dubaý we Abu-Dabi portlarynyň arasynda hyzmatdaşlygy ýola goýmagyň mümkinçiliklerini, türkmen deňiz portuny dünýäniň deňiz portlarynyň ulgamyna goşmak baradaky meseleleri ara alyp maslahatlaşdylar.

Söhbetdeşler syýasy gatnaşyklaryň derejesine hem baha berdiler we BAE-niň Prezidenti Muhammet bin Zaýe Al-Nahaýýanyň çakylygy boýunça Türkmenistanyň Prezidenti Serdar Berdimuhamedowyň BAE-ne resmi saparynyň guraljakdygyny bellediler.

Yza