Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Karara gol çekdi. Resminama laýyklykda, Türkmenistanyň Milli Geňeşiniň Halk Maslahatynyň nobatdan daşary mejlisi 2022-nji ýylyň 11-nji fewralynda Aşgabat şäherindäki Maslahat köşgünde, Ahal welaýatyndaky Türkmeniň ak öýi binasynda, Balkan, Daşoguz, Lebap, Mary welaýatlaryndaky Ruhyýet köşklerinde sanly ulgam arkaly geçiriler.

Türkmenistanyň Milli Geňeşiniň Halk Maslahatynyň nobatdan daşary mejlisinde ýurdy geljek 30 ýylda syýasy, durmuş-ykdysady, medeni taýdan ösdürmegiň esasy ugurlary, şeýle-de döwletiň we jemgyýetiň durmuşyna degişli wajyp meseleler jemgyýetçiligiň wekilleriniň gatnaşmagyna ara alnyp maslahatlaşylar. Mejlisde geljek 30 ýylda ýurdy ösdürmegiň maksatnamalaryna serediler we olar tassyklanylar. Şeýle hem 2021-nji ýylda alnyp barylan işleriň jemleri jemlener we şu ýyl üçin wezipeler kesgitlener.