Türkmenistanyň Döwlet haryt-çig mal biržasynyň söwdalarynda geçen hepde 25 geleşik hasaba alyndy.

Daşary ýurt puluna Owganystandan gelen telekeçiler «Türkmennebit» Döwlet konserniniň kärhanasynda öndürilen suwuklandyrylan gazy satyn aldylar. Mundan başga-da, Ukrainanyň, Gyrgyzystanyň telekeçileri daşary ýurt puluna flanel matasy, tekiz boýalan we žakkard nagyşly hammam önümçiligine degişli bolan önümleri aldylar. Geleşikleriň umumy bahasy 2 million 363 müň ABŞ dollaryndan gowrak boldy.

Içerki bazarda bolsa türkmen telekeçileri «Türkmennebit» Döwlet konserninde öndürilen bazal ýaglary, nebit galyndylaryny (nebit şlamy), nebitli ýol bitumyny, şeýle hem pagtadan ýasalan ýüplükleri we elde dokalan halylary satyn aldylar. Geleşikleriň umumy bahasy 20 million 11 müň manatdan geçdi.