7-nji ýanwarda Türkmenistanyň Daşary işler ministri Raşid Meredow bilen Özbegistan Respublikasynyň Adatdan daşary we Doly ygtyýarly Ilçisi Rawşanbek Alimowyň arasynda duşuşyk geçirildi.

Taraplar 2024-nji ýylyň 21-nji martynda BMG-niň Baş Assambleýasynyň 78-nji sessiýasynyň 63-nji umumy mejlisinde Türkmenistanyň başlangyjy bilen yglan edilen «Halkara parahatçylyk we ynanyşmak ýylynyň» başynda geçirilýän duşuşygyň ähmiýetini bellediler.

Şunlukda, Türkmenistanyň halkara hyzmatdaşlar bilen, hususan-da, Özbegistanyň gatnaşmagynda «Halkara parahatçylyk we ynanyşmak ýylynyň» mazmunyna kybap çäreleri geçirmäge bolan meýli beýan edildi

Şeýle hem, syýasy-diplomatik, söwda-ykdysady we medeni-ynsanperwer ugurlarda ikitaraplaýyn gatnaşyklary mundan beýläk-de ösdürmek dogrusynda pikir alyşyldy.