19-20-nji ýanwar aralygynda Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedowyň Monako Knýazlygyna sapary amala aşyryldy.

Gahryman Arkadagymyz ýerli köpçülikleýin habar beriş serişdeleriniň wekilleriniň öňünde çykyş edip, şu ýyl Türkmenistan bilen Monakonyň arasynda diplomatik gatnaşyklaryň ýola goýulmagyna 10 ýyl dolýandygyny, şoňa görä, bu saparyň ýurtlarymyzyň arasynda dürli ugurlarda hyzmatdaşlygy ösdürmekde möhüm tapgyr eýelejekdigini belledi.

Türkmenistan medeni-ynsanperwer ugurlarda hem Monako bilen dostlukly gatnaşyklaryň ösdürilmegi babatynda çykyş edýär.

Şunuň bile baglylykda Gahryman Arkadagymyz Monakonyň özüni dünýäde beýleki ugurlar bilen bir hatarda, sport üstünlikleri bilen hem tanadandygyny belledi.

2025-nji ýylda Monako «Dünýäniň sport paýtagty» diýlip yglan edildi. Bilşimz ýaly, Türkmenistanda bolsa bu ýyl «Halkara parahatçylyk we ynanyşmak ýyly» diýlip atlandyryldy. Şunuň bilen baglylykda, Gahryman Arkadagymyz sportuň Ýer ýüzünde parahatçylygy we ynanyşmagy pugtalandyrmakdaky möhüm ornuna ünsi çekdi.