Aşgabatda Ýewropa Bileleşigi tarapyndan maliýeleşdirilýän BOMCA Serhet Dolandyryş Maksatnamasynyň Merkezi Aziýada Dolandyryş Komitetiniň (RSPG) ýygnagy geçirildi.

Duşuşyga gatnaşyjylar howpsuzlygy berkitmäge we sebitde serhetara hyzmatdaşlygy ösdürmäge gönükdirilen maksatnamany durmuşa geçirmegiň möhüm meselelerini we geljegini ara alyp maslahatlaşdylar.

Duşuşyga programmanyň hemaýatkärlerine wekilçilik edýän Gyrgyzystandaky ÝB wekiliýetiniň taslamasyny dolandyryjy, doktor Kosimo Lamberti Fossati gatnaşdy. Onuň gatnaşmagy, BOMCA başlangyjy bilen Ýewropa Bileleşiginiň berýän goldawynyň möhümdigini görkezdi.

BOMCA maksatnamasy, serhet dolandyryş ulgamlaryny gowulandyrmakda, Merkezi Aziýada hukuk goraýjy edaralaryň we söwdany ýeňilleşdirmegiň netijeliligini ýokarlandyrmakda, sebitiň durnuklylygyna we durnukly ösüşine goşant goşmakda möhüm orny eýeleýär.