Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Habarda bellenilişi ýaly, Birleşen Arap Emirlikleriniň we Türkiýäniň işewür toparlarynyň wekilleri «Türkmennebit» döwlet konserniniň kärhanasynda öndürilen nebit ýol bitumyny satyn aldylar.
BAE-niň, Serbiýanyň, Gyrgyzystanyň telekeçilerine ýorgan-düşek daşlyklary, nah ýüplük, gazbeton bloklary, buýan köküniň ekstrakty, buýan köki we baldagy ýerlenildi. Geleşikleriň jemi bahasy ABŞ-nyň 1 million 652 müň dollaryndan gowrak boldy.
Ýurduň işewürleri içerki bazar üçin bahasy 3 million manada deň bolan «Türkmennebit» döwlet konserniniň kärhanasynda öndürilen polipropileni satyn aldylar.