"Awaza" milli syýahatçylyk zolagynyň Kongresler merkezinde 5-nji awgustda Türkmen halkynyň Milli Lideri, Türkmenistanyň Halk Maslatynyň Başlygy Gurbanguly Berdimuhamedowyň ýolbaşçylygynda geçirilen Merkezi Aziýa döwletleriniň baştutanlarynyň ýedinji konsultatiw duşuşygyna taýýarlanmagyna bagyşlanan çärede Özbegistanyň Prezidenti Şawkat Mirziýoýewi «Hyzmatdaşlygy ösdürmäge goşandy üçin» ordeni bilen sylaglamak dabarasy geçirildi.

Gahryman Arkadagymyz Özbegistanyň baştutanyny sylaglamak baradaky çözgüdi yglan etmek bilen, Türkmenistanyň Prezidentiniň degişli Kararyny okady.

Özbegistanyň Prezidenti Türkmenistan bilen Özbegistanyň arasyndaky ikitaraplaýyn dostlukly gatnaşyklary ösdürmäge, türkmen we özbek halklarynyň arasyndaky dostlugy, doganlygy we özara peýdaly hyzmatdaşlygy berkitmäge, şeýle hem döwlet we jemgyýetçilik çäreleri arkaly Türkmenistanyň halkara abraýyny ýokarlandyrmaga goşan goşandy üçin bu ýokary baýragy bilen sylaglandy.