Azerbaýjanyň Prezidenti Ilham Aliýew 22-nji awgustda iş sapary bilen Türkmenistana geldi. Azerbaýjan lideriniň uçary Türkmenbaşy halkara howa menziline gondy.

Ilham Aliýew, “Awaza” milli syýahatçylyk zolagynda geçiriljek “Türkmenistan-Azerbaýjan-Özbegistan” formatyndaky üçtaraplaýyn sammite gatnaşar.

Aeroportda Azerbaýjanyň Prezidenti döwlet hormatlary bilen garşylandy. Uçaryň basgançaklaryndan gelýän halynyň iki gapdalynda-da dostlukly Döwlet Baştutanyň hormatyna Hormatly garawul hatara düzüldi. Bellenen gowy däbe görä, milli eşikli çagalar hormatly myhmana çörek, duz we gül sowgat etdiler.

Ilham Aliýewy türkmen tarapynyň adyndan Türkmenistanyň Ministrler Kabinetiniň başlygynyň orunbasary Nokerguly Atagulyýew garşylady.

Duşuşykda gatnaşyjylar köptaraplaýyn hyzmatdaşlygy ösdürmek we çuňlaşdyrmak meselelerine, ilkinji nobatda söwda we ykdysady, ulag we aragatnaşyk, energiýa we gumanitar ugurlara serederler. Sammitiň dowamynda birnäçe bilelikdäki resminamalara gol çekilmegine garaşylýar.