Waşington şäherinde 6-njy noýabrda Merkezi Aziýanyň hem-de ABŞ-nyň döwlet Baştutanlarynyň sammiti geçiriler. Ol çärä Türkmenistanyň Prezidenti Serdar Berdimuhamedow gatnaşar.

Belleýşimiz ýaly, bir gün öň ABŞ-nyň prezidenti Donald Tramp hut özi türkmen kärdeşine hat iberip, Ak tama Merkezi Aziýanyň beýleki döwlet baştutanlary bilen duşuşmaga çagyrdy.

Duşuşygyň maksady ykdysady gatnaşyklary giňeltmek, howpsuzlygy berkitmek we Merkezi Aziýa sebiti bilen ABŞ-nyň arasyndaky hyzmatdaşlygy ösdürmek meselelerini ara alyp maslahatlaşmakdan ybarat.