Türkmenistanyň Katar Döwletindäki ilçisi Myratgeldi Seýitmämmedow 19-njy ýanwarda Kataryň Doha Ylym we tehnologiýa uniwersitetiniň rektory Salem Al Nuaimi bilen duşuşyk geçirdi. Duşuşygyň başynda ilçi Türkmenistanda Garaşsyzlygyň 35 ýyllygy mynasybetli geçiriljek dabaraly çäreler barada gürrüň berdi.

Mundan başga-da, Türkmenistanda bilim ulgamynyň ösüşiniň soňky ýyllarda halkara hyzmatdaşlygyň giňeldilmegi bilen berk baglanyşyklydygy hem-de daşary ýurtlaryň ýokary okuw mekdepleri we ylmy merkezleri bilen hyzmatdaşlygy yzygiderli ösdürip, bilelikdäki bilim maksatnamalarynyň, akademiki alyş-çalyş işleriniň hem-de mugallymlaryň hünär derejesini ýokarlandyrmak boýunça taslamalaryň amala aşyrylýandygy bellenildi.

Duşuşykda şeýle hem ýakyn wagtda Doha Ylym we tehnologiýa uniwersitetiniň wekilleriniň Türkmenistana meýilleşdirilýän saparynyň çäklerinde garaljak ylym-bilim ulgamyndaky hyzmatdaşlyk gatnaşyklary barada maslahatlaşyldy.

Çeşme: Türkmenistanyň Katardaky ilçihanasy