Aşgabatda Hindistanyň milli baýramçylygy - Respublika güni bellenildi. Dabaraly çärede Hindistan Respublikasynyň Türkmenistandaky Adatdan daşary we Doly ygtyýarly ilçisi Bandaru Wilsonbabu we wise-premýer, Türkmenistanyň daşary işler ministri Raşid Meredow çykyş etdiler.

Ilçi öz çykyşynda Hindistanyň Türkmenistany ýakyn dost we hyzmatdaş hasaplaýandygyny aýtdy. “Giňeldilen goňşuçylyk” syýasatymyza laýyklykda, howpsuzlyk, nebit-gaz, himiýa, saglygy goraýyş we sanly infrastruktura ugurlarynda işjeň hyzmatdaşlygy dowam etdireris" diýip, ilçi nygtady.

«Medeni gatnaşyklar türkmen-hindi gatnaşyklarynyň aýrylmaz bölegidir. Biz türkmen we hindi halklarynyň umumy medeni gymmatlyklaryny we olaryň umumadamzat mirasyna goşan goşandyny öwrenmek, gorap saklamak we baýlaşdyrmak ugrunda işjeň işleri alyp barýarys» diýip, Türkmenistanyň DIM-niň ýolbaşçysy aýtdy. Ol 2024-nji ýylda açylan «Magtymguly Pyragy» medeni-seýilgäh toplumynda hindi ýazyjysy, şahyry, kompozitory we jemgyýetçilik işgäri Rabindranat Tagora ýadygärlik dikilendigini belledi.

Dabaranyň esasy pursaty iki ýurduň milli sazyny, hindi tanslaryny we Aşgabat ýoga merkeziniň wekilleriniň görkezişlerini öz içine alýan medeni çäre boldy.