Türkmenistanyň wekiliýeti 2026-njy ýylyň 11 – 13-nji fewraly aralygynda Halkara Zähmet Guramasy we Marokko Patyşalygynyň Hökümeti tarapyndan guralan Çaga zähmetini aradan aýyrmak boýunça altynjy bütindünýä maslahatyna gatnaşdy.

Forum çaga zähmetiniň doly aradan aýrylmagyny çaltlandyrmak maksady bilen döwletleriň, halkara guramalaryň we jemgyýetçilik hyzmatdaşlaryň wekillerini bilelikdäki çäreleri işläp taýýarlamak üçin bir ýere jemledi.

Maslahatyň maksatnamasy ýokary derejeli plenar mejlisleri, tematik sessiýalary hem-de tejribe alyşmaga, netijeli tejribeleri ilerletmäge we halkara hyzmatdaşlygy giňeltmäge bagyşlanan ýörite çäreleri öz içine aldy. Şeýle hem bu çäreler bilim we durmuş taýdan goraglylyk ulgamlaryndaky hyzmatdaşlygy ösdürmäge gönükdirilendir.

Türkmenistanyň bu foruma gatnaşmagy ýurduň halkara giňişlikdäki abraýynyň barha artýandygyny hem-de onuň netijeli dialogy ösdürmäge we ynsanperwer gymmatlyklary ilerletmäge ygrarlydygyny tassyklaýar.