Türkmenistan bilen Belarus Respublikasy 2027-nji ýylda awtoulag arkaly halkara ýük daşamalary ýerine ýetirmek üçin rugsatnamalary alyş-çalyş etmek boýunça kwotany ylalaşdy.

Degişli karar Minsk şäherinde geçirilen türkmen-belarus bilelikdäki halkara awtoulag gatnawlary boýunça komitetiň mejlisiniň jemleri boýunça kabul edildi.

Gazanylan ylalaşyklara laýyklykda, iki ýurduň sürüjileri tarapyndan sanly tahografik çap edilen nusgalary ulanmak mümkinçiligi özara esasda ylalaşyldy, şert hökmünde awtoulaglaryň Ulaglaryň ekipažlarynyň işi baradaky Ýewropa ylalaşygynyň (AETR) talaplaryna laýyk gelýän dolandyryş enjamlary bilen üpjün edilmegi bellenildi.

Mejlisiň çäklerinde iki ýurduň degişli edaralarynyň wekilleri awtoulag arkaly ýük daşamalary pudagynda ikitaraplaýyn hyzmatdaşlygyň esasy meselelerini hem ara alyp maslahatlaşdylar.

Çeşme: Belarus Respublikasynyň Ulag we kommunikasiýalar ministrligi