2022-nji ýylyň birinji ýarymy üçin Türkmenistanda çap edilýän gazet-žurnallara iki görnüşde — çap edilýän hem-de elektron görnüşdäki neşirler boýunça abuna ýazylyşyk başlady. Bu barada «Türkmenistan» gazeti habar berýär.

«Türkmenmetbugat» elektron neşirine abuna ýazylmak arkaly, merkezi gazet-žurnallarda çap edilýän habarlardyr makalalary degişli rubrikalary boýunça gündelik okap, şeýle-de ol neşirleriň ählisini hem «PDF» nusgasynda ýükläp almak mümkinçiligi döredilýär.

Ýurtda gazet-žurnallaryň elektron neşirine 2022-nji ýylyň birinji ýarym ýyllygyna «turkmenmetbugat.gov.tm» internet sahypasynda we onuň «Türkmenmetbugat» mobil goşundysynyň üsti bilen ýazylyp bolýandygyny ýatladýarys.