2024-nji Pähim-paýhas ummany Magtymguly pyragy ýylynyň 15-nji martynda Türkmenistanyň Zähmet we ilaty durmuş taýdan goramak ministrliginiň edara binasynda Milli bahar baýramy – Halkara Nowruz güni mynasybetli Türkmenistanyň Zähmet we ilaty durmuş taýdan goramak ministrliginiň, şeýle hem Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň bilelikde guramagynda «Nowruz – tebigatyň hem-de köňülleriň baýramy» ady bilen aýdym-sazly baýramçylyk duşuşygy geçirildi.

Duşuşykda çykyş edenler Türkmen halkynyň milli Lideri Gahryman Arkadagymyzyň, şeýle hem Hormatly Prezidentimiz – Arkadagly Gahryman Serdarymyzyň baştutanlygynda alnyp barylýan işler,  aýratynda durmuş goraglylygy ulgamynda ýetilýän sepgitler dogrusynda belläp geçdiler.

Milli bahar baýramy – Halkara Nowruz gününe bagyşlanyp geçirilen baýramçylyk duşuşygynda aýdym-sazlara hem aýratyn orun berildi.